School Song

অসম অসম অ' আই অসম

মাতৃ মোৰ চেনেহী দেশ

সেউজী ধৰণী ৰূপেৰে শুৱনি

শস্য-শ্যামলা অসমীৰ বেশ।

বিজয়ৰ ধ্বজা আকাশত উৰাই

উদয়গিৰিয়ে পোহৰ বিলাব

লাচিত চিলাৰায় বীৰ ডেকা দলে

হেংদাং তুলি ৰণ জিকিব।

প্ৰাগজ্যোতিষৰ লুইতৰ পানীয়ে

নীলাচল দেৱীৰ পখালে চৰণ

মাতৃৰ পূত পদ-জল ঢালি

গ্লানি-পাপ কৰিলে মোচন।

এনেলো শুৱলা অসমীৰ ভাষা

শুনিলে পলোৱা পৰাণ-শাঁত

জীৱনে মৰণে তযু চৰণত

নিজৰাও অসমীৰ সুৱদী মাত।